Persónuverndargátt Volkswagen

Hafir þú alla jafna ekki gert samning við Volkswagen AG og ert t.d. viðtakandi fjárstyrkja, gestur, fulltrúi samtaka sem starfa ekki á okkar vegum, þátttakandi í vinningaleikjum, áhrifavaldur sem starfar ekki á okkar vegum, styrkþegi, prófunaraðili, sölumaður sem starfar ekki á okkar vegum eða aðdáandi getur þú fengið upplýsingar um það á næstu síðu hvernig þú getur nýtt réttindi þín samkvæmt almennu persónuverndarreglugerðinni gagnvart Volkswagen AG.

Þessum flokki tilheyra einnig skráðir einstaklingar sem gegna sérstöku hlutverki í tengslum við lagaleg mál og skuldamál (t.d. aðilar að lagalegum ágreiningi, fulltrúar yfirvalda sem vinna með opinber mál, lögbókendur, lögmenn, fulltrúar lögbókenda, mælingastofur, kaupendur/seljendur fasteigna, lóðarleigutakar og -salar, leyfisþegar og -veitendur, leigutakar og leigusalar).

Réttur til aðgangs að upplýsingum

Þú hefur rétt á að fá upplýsingar frá okkur um það hvernig vinnslu persónuupplýsinga þinna er háttað.

Hvernig sendi ég inn beiðni?

Hægt er að senda inn beiðni til Volkswagen AG eftir mismunandi leiðum, allt eftir lagalegum forsendum. Til að senda inn beiðni um aðgang að upplýsingum skaltu nota vefformið.

Hvernig fara auðkenning og sannvottun fram?

Um leið og beiðni þín berst reynum við að bera kennsl á þig með kerfum okkar. Ef það tekst ekki strax sendum við þér beiðni um að auðkenna þig. Þú hefur þá fjórar vikur til að auðkenna þig með PostIdent-þjónustu samstarfsaðila okkar Deutsche Post. Frekari upplýsingar er að finna á:

https://www.deutschepost.de/en/p/postident.html

Ef þú hefur sent inn beiðni varðandi bifreiðargögn þarf sannvottun að fara fram. Þú þarft þá að leggja fram viðeigandi gögn til staðfestingar, eins og verksmiðjunúmer (grindarnúmer) bílsins og staðfestingu á umráðum yfir bílnum.

Hvað tekur upplýsingaöflunin langan tíma?

Það tekur að minnsta kosti einn mánuð og í mesta lagi þrjá mánuði að vinna úr beiðni eftir að hún berst.

Hvernig fæ ég svar?

Þegar unnið hefur verið úr beiðni þinni færðu svar annaðhvort á stafrænu formi eða bréfleiðis.

1. Upplýsingar um verksmiðjunúmer (grindarnúmer) og sönnun á umráðum yfir bíl

Verksmiðjunúmer bílsins

Verksmiðjunúmerið (grindarnúmerið) er alþjóðlegt, staðlað 17 stafa raðnúmer sem auðkennir vélknúið ökutæki með ótvíræðum hætti. Númerið kemur annars vegar fram í skráningarskírteininu. Það er síðan einnig að finna á mismunandi stöðum á bílnum, yfirleitt í vélarrýminu eða hægra megin á bílnum. Út frá verksmiðjunúmerinu og umráðatímanum sem þú gafst upp leitum við að persónuupplýsingum þínum í kerfum Volkswagen AG til þess að útbúa upplýsingaskýrslu í samræmi við almennu persónuverndarreglugerðina. Vinsamlegast sendu eingöngu inn beiðnir sem snúa að fólks- eða atvinnubílum sem eru framleiddir af Volkswagen.

Heimild: Innanríkisráðuneyti sambandslýðveldisins Þýskalands - Bundesdruckerei GmbH
Myndunum hér að ofan hefur verið breytt. Heimildin vísar til upprunalega skjalsins án yfirstrikana.

Verksmiðjunúmerið kemur fram í lið „E“ í skráningarskírteininu.

Upphaf og lok umráða

Umráðatíminn sem er tilgreindur er sá tími sem þú vilt fá yfirlit yfir persónuupplýsingar fyrir sem tengjast verksmiðjunúmeri (grindarnúmeri) bílsins þíns. Þú þarft að leggja fram viðeigandi gögn til sönnunar á því að þú hafir haft umráð yfir bílnum á þessu tímabili.

Staðfesting á umráðum

Hægt er að hlaða upp allt að 5 skrám. Til staðfestingar á umráðatíma tekur Volkswagen AG við eftirfarandi gögnum:

Skráningarskírteini
Staðfesting á umráðum frá opinberum skráningaraðila

Ef þessi gögn sem lögð eru fram til sönnunar eru ekki gefin út á þitt nafn þurfum við að fá frá þér yfirlýsingu um samþykki frá umráðamanni bílsins sem er nafngreindur í skjölunum sem staðfesta umráð. Viðkomandi eyðublöð fyrir útlán á bíl er að finna á niðurhalssvæðinu.

2. Upplýsingar um hvernig strika skal yfir ónauðsynlegar upplýsingar

Þú átt rétt á að strika yfir upplýsingar í skjölum sem lögð eru fram til auðkenningar og sannvottunar ef notendaþjónusta Volkswagen AG þarf ekki á þeim að halda til að staðfesta hver þú ert og/eða að þú hafir umráð yfir bílnum. Í upplýsingablaðinu um hvernig strika skal yfir upplýsingar, sem hægt er að nálgast á niðurhalssvæðinu, er að finna leiðbeiningar um hvaða upplýsingar má strika yfir.

3. Ábendingar varðandi upplýsingar úr stafrænum þjónustum

Í vefformi okkar fyrir beiðni um aðgang að upplýsingum (privacy.volkswagen.com/request) getur þú, með því að gefa upp Volkswagen ID-notandareikninginn þinn, samkvæmt 15. gr. almennu persónuverndarreglugerðarinnar fengið upplýsingar um hvaða persónuupplýsingar þínar eru skráðar í miðlæga Volkswagen ID-notandareikningnum og þeim stafrænu þjónustum sem honum tengjast (t.d. We Park, Volkswagen Connect). Til þess þurfum við að fá frá þér netfangið sem þú skráðir fyrir Volkswagen ID-notandareikninginn. Það er notað fyrir svokallaða „double-opt-in“-aðferð. Hún felur í sér að sendur er tölvupóstur á tilgreint netfang þar sem beðið er um staðfestingu. Er þá ekki unnið úr beiðni þinni fyrr en þú hefur smellt á viðkomandi staðfestingartengil. Athugaðu að tengillinn er aðeins virkur í 48 klukkustundir. Ef ekki fæst staðfesting er Volkswagen ID-notandareikningurinn ekki notaður til að finna persónuupplýsingar þínar.

Ef þú vilt gefa upp fleiri Volkswagen ID-notandareikninga skaltu senda inn aðra beiðni um aðgang að upplýsingum.

Athugaðu að þér stendur einnig til boða að skoða, breyta eða eyða persónuupplýsingum þínum sem unnið er með í tengslum við stafræna þjónustu á vegum Volkswagen AG á eigin spýtur Eftirfarandi þjónustur bjóða upp á þessa möguleika:

Volkswagen ID-vefgáttin ásamt þeim stafrænu þjónustum sem henni tengjast (vwid.vwgroup.io)
Car-Net (volkswagen-carnet.com)

Réttur til leiðréttingar

Þú hefur rétt á að fara fram á að við leiðréttum rangar eða ófullnægjandi persónuupplýsingar um þig.

Hér getur t.d. verið um að ræða rangfærslur í grunnupplýsingum þínum og þarf þá yfirleitt ekki að leggja fram frekari gögn til sönnunar þegar þær eru leiðréttar.

Ef þú vilt breyta nafninu þínu, t.d. vegna hjónabands, þarf að leggja fram gögn því til sönnunar.